Вардар про и Веселин Вујовиќ ја прекинаа соработката

Во продолжение на сезоната, Веселин Вујовиќ нема да биде на тренерското место во Вардар про, откако двете страни договорно ја прекинаа соработката.

Откако ги загуби двете средби со Металург, и последниот пораз од Тинекс пролет, тренерот Вујовиќ ја понуди својата оставка, сметајќи дека треба да замине поради тоа што не го постигнал посакуваниот и ветениот резултат со Вардар про годинава.

Додека беше тренер во Вардар про, Веселин Вујовиќ беше и селектор на машката сениорска репрезентација на Македонија, а ги предводеше и младинците на СП 2007 година во Охрид каде го освоија 10 место во конкуренција на 20 репрезентации.

Управата на Вардар про му се заблагодарува за досегашната соработка и за трофеите освоени кога тој беше тренер и му посакува се најдобро во идните ангажмани.